CORONA – DIALOG
Corona, Corona, Corona, hiatz muess I di echt amaͦl fraͦgn:
Corona, Corona, Corona, was willst mit dein Ausbruch uns saͦgn!

Hurchts es muess waͦs gschehn, daͦs werds wohl verstehn,
aso kaͦnns nit weitergehn! O no, o no, o no!
Solltets aͦchtsaͦm haͦndln und bescheidn waͦndln,
nit so gierig umagondln! O no, o no, o no!

Corona, Corona, Corona, warum bist du so agressiv?
Corona, Corona, Corona, hiatz liegg schon die gaͦnze Welt schief!

Lernts lei, aͦndarst lebm, nehmen und a gebm-
Das war ernstlich zan erstrebm! O jaͦ, o jaͦ o jaͦ!
Es geht um die Mendschn, tuebs nit umatschentschn,
wegn Maͦrkt und Wirtschaͦft flentschn. O no, o no, o no!

Corona, Corona, Corona, i man, du treibsts richti zu bunt!
Corona, Corona, Corona, aͦch war mal ei baͦld wieder gsund!

Brauchts nit umatrutzn i muess enk saftig stutzen.
Tuebs de Chanc lei richtig nutzn! O jaͦ, o jaͦ o jaͦ!
Hoffentlich werds gscheidar, dann geht`s Lebm weitar.
Sunst muess, i sagn: Leidar! O je, o je, o je!

Corona, Corona, Corona, hiatz is mar gar `s Furtgehn varwehrt!
Corona, Corona, Corona, i waß es laft vieles varkehrt.

Sollts daͦs Lebm nei denkn, gedaͦnklich Liebe schenkn;
A Greaßarar wird lenkn. O jaͦ, o jaͦ o jaͦ.
Hoffnungsvoll vartrauen, guet auf`nander schauen,
und a neie Zuekunft bauen. O jaͦ, o jaͦ o jaͦ!

Corona, Corona, Corona, I daͦnk für daͦs haͦrte Belehrn.
Corona, Corona, Corona, I hoff fest, du kaͦnnst uns bekehrn

I wer baͦld vorbei gehen, daͦnn werds wieder aufstehn,
vollar Muet an guetn Weg gehen. O jaͦ, o jaͦ o jaͦ.
Drum tuebs nit varzaͦgn, mitnaͦnd es Leben waͦgn,
und viel guete Früchte traͦgn. O jaͦ, o jaͦ o jaͦ.

(Zu singen naͦch dar Melodie: Marina, Marina, Marina)
15.3.2020

CORONA - KURZDIALOG
Corona, Corona, Corona, du bist wohl ka Heiligenschein!
Corona, Corona, Corona, waͦs brockst uns du denn aͦlles ein?!

Daͦs Lebm gaͦnz nei denkn, im Geist viel Guetes schenken.
Fest vertraun auf Gottes lenkn. O jaͦ, oj aͦ, o jaͦ.
Und mit neie Augn unsre Welt aͦnschaugn,
daͦs tat ihr ganz sichar taugn. O jaͦ, o jaͦ, o jaͦ.

Corona, Corona, Corona, das ist wohl a hartes Belehrn!
Corona, Corona, Corona, war guet, wann uns kinnast bekehrn!

Neie Wege findn, um enk zu verbindn.
hilf daͦs Haͦrte überwindn. O jaͦ, o jaͦ, o jaͦ.
Hiatz tuets haͦlt aso sein, noacha werds gach froh sein,
waͦnn a neie Sicht wird daͦ sein. O aͦ, o jaͦ, o jaͦ.

GEBOT DER ZEIT
Jetzt solln wir handeln, als wär jeder Mensch ein Feind!
Doch grad weil der für mich ein teuerer Freund,
wolln wir, wie`s zur Zeit vernünftig scheint-
doch im Geiste wohl wollend vereint-
alle näheren Kontakte strikt vermeiden,
die Verbreitung von Corona abzuschneiden.
Bieten wir der Seuche starke Schranken!
Unsre Freunde werden es uns danken

16. 3. 2020, Katharina Kistenich